Mathieu Valbuena ishte në qendër të vëmendjes në Stade Velodrome, arena ku u përplasën dy skuadrat e vjetra franceze Olimpique Marseille dhe Lyon. Mesfushori francez i cili iu bashkua Lyonit këtë verë mbante “petkun” e një skuadre rivale të përbetuar. Këtë pamje nuk e kapërdinë dot tifozët marsejezë të cilët kanë vërshëllyer gjatë gjithë ndeshjes lojtarin, madje e kanë goditur edhe me shishe qelqi.
Tifozët kishin përgatitur një shëmbëlltyrë të lojtarit, të cilin e kishin paraqitur të varur me një banderolë ku shkruhej: “Vetëm një marsejez i vërtetë luan për Olimpique Marseillen, ndërsa ti nuk je asgjë tjetër pos një tradhëtar”.
Armiqësia kaloi në fushën e lojës, me ç’rast Romain Alessandrini mori kartonin e kuq pas një ndërhyrjeje të ashpër ndaj Valbuena-s. 
Situata u tensionua edhe më shumë, kur tifozët vendas nisën të hedhin sende në fushë, madje edhe disa shishe qelqi. Ndeshja u ndërpre për 20 minuta, por sharjet dhe vërshëllimat në drejtim të lojtarit vazhduan ende. Ndeshja përfundoi në fund me rezultat të barabartë, (1-1).
Valbuena iu bashkua Lyonit këtë verë nga Dinamo Moscoë, skuadër ku ai ishte trasnferuar pas tetë vjetëve tek Marseille. Por, kalimin tek rivalët e përbetuar të Lyon-it, tifozët nuk do t’ia falin kurrë. /tesheshi.com/
