Izraeli do të fusë masa të pjesshme karantine në mbarë vendin javën e ardhshme për të frenuar rritjen e numrit të të infektuarve me COVID-19, tha kreu i Task Forcës anti-pandemike të atij vendi, Roni Gamzu.
Izraeli po përballet me një “moment kyç” në një përpjekje për të frenuar përhapjen e COVID-19, pasi rreth 3,000 raste janë regjistruar çdo ditë në një vend me rreth nëntë milion banorë.
Gamza fajësoi për situatën aktuale apatinë që sipas tij mbizotëron në mesin e pakicës arabe, sipas rregullave të distancës shoqërore, si dhe shkallën e lartë të infeksionit në komunitetet hebraike ortodokse. Për koiçidencë, që të dyja janë “armike” të regjimit izraelit.
“Ju lutemi, tani pa dasma, pa mbledhje masive. Ka qytete në Izrael ku do të futet orar i ndaluar dhe të cilat do të mbyllen javën e ardhshme, ku patjetër do të përballen me vështirësi ekonomike, sociale dhe personale,” tha Gamzu.
Karantina dhe “qytetet e kuqe”
Ai po fliste pasi kryeministri izraelit Benjamin Netanyahu miratoi futjen e karantinës në të ashtuquajturat ”qytete të kuqe”, ku shkalla e infektimit me virusin është e lartë.
Rreth 30 bashkësi, kryesisht të banuara nga arabë ose anëtarë të komunitetit ortodoks hebre, tashmë janë vendosur në këtë kategori. /tesheshi.com/
