Kryeministri suedez Stefan Löfven tha se numri i njerëzve që lejohen të mblidhen po zvogëlohet në 8 nga 300 aktualisht.
“Do të jetë edhe më keq, merrni përgjegjësinë dhe detyrimin tuaj për të ndaluar infeksionin. Bëni atë për veten tuaj dhe për Suedinë,” tha Löfven.
Ai njoftoi se qeveria e tij do të fuste masën më të rreptë për të luftuar pandeminë e koronavirusit që nga 24 nëntori – një maksimum prej tetë personash mund të marrin pjesë në tubime publike. Deri më tani, janë lejuar tubime deri në 300 persona.
Dy masat e ardhshme në shqyrtim janë rekomandimi për të mos udhëtuar jashtë rajonit të vendbanimit dhe, që pas festave të Vitit të Ri, të gjitha shkollat e ciklit të lartë dhe institucionet e arsimit të lartë, të kalojnë në online. Të dy masat u prezantuan gjatë valës së parë të pranverës.
Suedia ishte në qendër të vëmendjes gjatë pandemisë për shkak të masave të saj jo-kufizuese.
Thirrja e Löfven për publikun është pasojë e faktit se në dhjetë ditët e fundit Suedia ka qenë nën një goditje të fortë nga vala e dytë. Numri i të infektuarve arriti në 6,000 në ditë, ka rreth 1,300 pacientë me koronavirus në spitale dhe 150 raste më të rënda në njësitë e kujdesit intensiv. /tesheshi.com/
