Guvernatori i Nju Jorkut Andrew Cuomo ka futur masa të reja kufizuese për të frenuar përhapjen e koronavirusit pasi numri i të infektuarve dhe të shtruarve në spital u ngrit “në qiell” në shtetin që ishte epiqendra e epidemisë këtë pranverë.
Cuomo urdhëroi që baret, restorantet dhe palestrat në të gjithë shtetin të mbyllen në orën 22:00 dhe të kufizojnë në dhjetë numrin e njerëzve që mund të mblidhen për ahengje private.
Masat e reja, të cilat hyjnë në fuqi të premten, futen një ditë pasi Kalifornia dhe disa shtete në Midwest shtrënguan kufizimet.
“Ky është shansi ynë i fundit për të ndaluar valën e dytë,” tha Bill de Blasio, duke njoftuar se niveli mesatar i shtatë ditëve i testeve pozitive është 2.5 përqind.
Shkollat publike të qytetit, më të mëdhatë në vend, do të mbyllen dhe do të kalojnë në online nëse kjo normë rritet në 3 përqind.
Pandemia po përhapet me shpejtësi në të gjithë vendin dhe gjithnjë e më shumë shenja sugjerojnë që një valë e dytë mund të godasë fort shtetet verilindore. /tesheshi.com/
