Kryeministri Rama publikoi të dhënat e ecurisë së vaksinimit në një javë, ku Shqipëria sipas tij ka një renditje “në majë të klasifikimit” në nivel edhe tejrajonal. Pra, ndjekje modelit izraelit si synim, vend që deri tani është lider botëror në këtë proces.
“Ne do ta fitojmë këtë luftë me lidership, organizim, këmbëngulje e durim të madh dhe përmes vaksinimit të pandalur masiv, do të kemi një sezon turistik të lehtësuar ndjeshëm. Të dhënat e barometrit global për ritmin e vaksinimit 7 ditët e fundit”, shkruan Rama.
Me këto tregues, Rama synon të rankohet mirë për sezonin e pritshëm turistik, sfida më e madhe ekonomike për Shqipërinë në muajt e ardhshëm.
Kujtojmë se ai ia arriti të sigurojë vaksina në vendin ku dhe herë të tjera ka gjetur shumë zgjidhje në momente të vështira, në Turqi.
Prej aty siguroi Sinovac-un kinez, të cilën e përdor Turqia dhe gjithë vendet arabe. /tesheshi.com/
