VAKSINIMI/ Rama, tjetër kritikë ndaj BE-së, thënë në sy të ministrit gjerman

Kryeministri Rama është treguar sërish kritik me BE, kësaj here për shkak të diferencimit të Shqipërisë në lëvizjen e lirë, mu prej faktit se popullsia shqiptare morri vaksinën ruse dhe kineze.

“Pamundësimi i qytetarëve të Ballkanit për të udhëtuar në Europë, për shkak të ndarjes së tyre në dy kategori, e atyre që kanë bërë vaksinë perëndimore dhe e atyre që kanë bërë vaksinë lindore.

Unë uroj që të mos ndodhë kështu dhe që edhe ju dhe miqtë e tjerë të na ndihmoni që ta përçojmë këtë mesazh”, tha Rama në një conferencë për media me ministrin gjerman për Europën Michael Roth.

“Nuk ka arsye pse të ndahen njerëzit në kategori kur bëhet fjalë për të drejtë e tyre elementare të lëvizjes së lirë, kuptohet në bazë të të gjitha rregullave, por njësoj për të gjithë. BE nuk duhet të marrë peng askënd që jeton në këtë rajon për shkak të firmës që ka bërë vaksinën.

Në kriteret që unë kam parë të lëvizjes së lirë është mundësia që kush ka të drejtë lëvizje të lirë, të bëjë testin ose të jetë i vaksinuar.

Tani, pse duhet ta bëjë testin se ka bërë vaksinën e Sinovac apo Sputnik?

Ajo që ka të bëjë me lëvizjen në kushtet ku të gjithë kanë luftuar për të dalë nga pandemia dhe ne dolëm pasi u lamë vetëm, për shkak se të tjerët kishin hallet e veta, nuk është faji i askënd.

Objektivi i parë është të shpëtojmë jetë njerëzish dhe jo të mendojmë se po shpëtuam gjysmë milioni jetë me vaksinë kineze, Europa të thotë jo se jeni kategori e dytë”, tha Rama.

Ndërkaq, nën atmosferën e një reagimi ndaj ministrit gjerman të Shëndetësisë Jahn Spam, sipas të cilit gjysma e infeksioneve në Gjermani vitin e kaluar ishin shkaktuar nga të ardhur nga Ballkani, Rama tha: “Ndryshe nga sa perceptohej nga ministri gjerman i Shëndetësisë, Shqipëria është vendi më i përshtatshëm për të ardhur për të pushuar kësaj vere. Meqë ra fjala, sot nuk ka më maska në rrugë nëpër Shqipëri”. /tesheshi.com/