Kryeministri Rama pranoi vonesën njëjavore në ardhjen e sasisë së radhës të vaksinave nge Pfizer, duke thënë se ato vijnë në mbrëmje, por ftoi mediat të shihnin se ç’po ndodh sot në botë dhe Europë, e ku sipas tij, Shqipëria duhet të ndihet fatlume.
“Jemi në kushtet kur kemi një kontratë direkte dhe nuk jemi në dorë të mekanizmave institucional të BE. Nuk jemi në dorë as të mekanizmit të COVAX, që edhe aty problemi është i jashtëzakonshëm, pjesë e kësaj katrahure.
Kanë nisur kërcënimet për hedhje në gjyqe për kompanitë nga BE. Ne kemi vetëm një spostim në kohë, pasi dozat e para të Pfizer-it duhet të vinin në javën e tretë të janarit dhe sipas konfirmim të fundit, dozat e para mbërrijnë sot në darkë. Do të vazhdojmë me faza. Jemi shumë afër një marrëveshje përfundimtare me Astrazenca-n, po vazhdojmë kontaktet me disa vende.
Janë tre shtete që vazhdojmë kontaktet dhe jemi në rrugë të mbarë. Për momentin mund ta them pa optimizëm të ekzagjeruar se skenari i parë i vaksinimit brenda 14 muajsh, nuk ka rënë akoma”, tha kreu i qeverisë.
Sipas tij, po troket ora e vaksinimit të të moshuarve.
“Do vazhdojmë me mjekët dhe infermierët, se kanë radhët të parët. Paralelisht do të nisim me të moshuarit. Se kam numrin e saktë se sa do të jenë dozat që do të mbërrijnë sot. Muaj shkurt do të jetë një muaj me qartësi të të gjithë procesit”, theksoi Rama. /tesheshi.com/
