Vaksinat kundër COVID-19, të cilat janë të aprovuara dhe të disponueshme, aktualisht janë efektive kundër “të gjitha varianteve të virusit”, tha Organizata Botërore e Shëndetësisë (OBSH), duke kërkuar që të vazhdohen masat paraprake.
Megjithëse situata shëndetësore në Evropë po përmirësohet, udhëtimet ndërkombëtare duhet të shmangen ende sepse kërcënimi ende ekziston, si dhe të panjohura të reja, paralajmëroi Hans Kluge, drejtori i OBSH-së për Evropën, veçanërisht kur bëhet fjalë për një variant të ri shqetësues të zbuluar së fundi në Indi.
“Eshtë një kërcënim i panjohur”, paralajmëroi Catherine Smallëood, përgjegjëse e situatave të krizës në zyrën e OBSH-së për Evropën.
“Po shkojmë në drejtimin e duhur, por duhet të jemi të kujdesshëm …”
Sipas OBSH-së, në të gjithë rajonin, i cili mbulon një pjesë të Azisë Qendrore, numri i të infektuarve rishtas ra me 60 përqind në një muaj, nga 1.7 milion në mes të Prillit në 685,000 javën e kaluar.
“Ne po shkojmë në drejtimin e duhur, por duhet të qëndrojmë vigjilentë … lëvizja e shtuar, ndërveprimi fizik dhe grumbullimi mund të çojnë në rritjen e transmetimit në Evropë,” tha drejtori rajonal, duke theksuar se udhëtimet thelbësore mbeten të lejuara.
Përveç kësaj, zbutja e masave të distancës sociale duhet të shoqërohet nga një intensifikim i përpjekjeve që lidhen me testimin, monitorimin e kontakteve, renditjen e varianteve të virusit dhe vaksinimin.
“Nuk ka rrezik zero,” tha Kluge.
“Vaksinat mund të jenë drita në fund të tunelit, por ne nuk duhet të lejojmë që ajo dritë të na verbojë,” shtoi Hans Kluge. /tesheshi.com/
