Rusia ka regjistruar vaksinën e parë në botë kundër COVID-19 për kafshët, njoftoi të mërkurën Drejtoria e Kontrollit të Sigurisë Bujqësore Rosselkhoznadzor.
Rusia tashmë ka tre vaksina koronavirus për njerëzit, më e famshmja prej të cilave është Sputnik V.
Moska ka aprovuar urgjentisht edhe dy vaksina të tjera, EpiVaçorona dhe CoviVac, shkruan Times of India.
Vaksina për kafshët, e zhvilluar nga njësia Rosselkhoznadzor, quhet Carnivac-Cov, njoftoi administrata.
“Provat klinike Carnivac-Cova, të cilat filluan tetorin e kaluar, përfshinin qen, mace, dhelpra arktike, nutria, dhelpra dhe kafshë të tjera”, tha zëvendës shefi i Rosselkhoznadzor Konstantin Savenkov.
“Rezultatet e testit na lejojnë të konkludojmë se vaksina është e padëmshme dhe siguron mbrojtje të lartë sepse të gjitha kafshët e vaksinuara zhvilluan antitrupa ndaj virusit koronavirus në 100 përqind të rasteve.”
Imuniteti zgjat për gjashtë muaj pas vaksinimit, por prodhuesit e vaksinave vazhdojnë ta analizojnë atë, tha administrata.
Prodhimi masiv i vaksinës mund të fillojë që në prill, shtoi Rosselkhoznadzor. /tesheshi.com/
