Kryeministri Rama, nën moton e re “Shqipëria buzëqesh”, kumtoi sigurimin e 500 mijë dozave të para të vaksinave anti-COVID, të cilat do të vijnë nga Pfizer / BionTech.
“Në prag të ndërrimit të viteve, Shqipëria ka siguruar zyrtarisht 500 mijë dozat e para të vaksinës anti-COVID nga kompania Pfizer”, shkruan i pari i qeverisë, duke vijuar dhe më pak ironi: “Shoppingu im në New York përfundoi me sukses”.
“Kemi dakordësuar me Akt Normativ për aktivizimin e kontratës . Sasia e dakordsësuar do të paguhet menjëherë 10.700 dozat e para do të vijnë në javën e tretë të janarit. Mbi 30 mijë të tjerat vijnë në shkurt. Ndërkohë që edhe me dy vende partnere kemi siguruar 9000 doza”, informoi i pari i qeverisë.
Por Rama rezervoi dhe një ndihmë për Kosovën në këtë aspekt.
“Kosovës do t’i dhurojmë një sasi për vaksinimin e bluzave të bardha të spitalit të Prishtinës. i Kam kërkuar ministres së shëndetësisë që të flasë me homologun në Kosovë. Personeli shëndetësor atje do të ketë mundësinë të vaksinohet si të gjithë kolegët në Shqipëri”, tha shefi i qeverisë. /tesheshi.com/
