Komisioni Evropian është në favor të ndarjes së tepricës së vaksinave kundër COVID-19, të prokuruara për vendet anëtare të BE, me vendet e Ballkanit Perëndimor, por tani për tani nuk e di se kur do të ishte e mundur.
I pyetur se kur “teprica evropiane e vaksinave” mund të jetë në dispozicion për vendet e Ballkanit Perëndimor, zëdhënësi i Komisionit Evropian Eric Mamer tha se aktualisht ka shumë të panjohura në vetë BE në lidhje me datën dhe ritmin me të cilin vaksinat do të jenë në dispozicion.
“Synimi ynë i qartë është të inkurajojmë vendet anëtare të ndajnë vaksinat e tepërta me vendet e Ballkanit Perëndimor dhe fqinjët e tjerë, si dhe ta organizojnë atë në një proces evropian,” tha Mamer.
Ndihma e planifikuar për Ballkanin
Mamer kujton deklaratën e Presidentes së Komisionit Evropian, Ursula von der Layen, e cila në mënyrë të përsëritur tha se në nivelin e BE, “donacionet e vaksinave nga vendet anëtare për Ballkanin Perëndimor” do të koordinohen dhe shtoi se detajet janë ende duke u përpunuar.
Mamer vëren se vaksinat që do të dërgohen në Ballkanin Perëndimor do të jenë “të njëjta me ato që do të përdoren në BE”.
KE deri më tani ka lidhur gjashtë kontrata me kompani farmaceutike, duke siguruar më shumë se 1.3 miliardë doza të vaksinës COVID-19. /tesheshi.com/
