Fytyrën e kësaj vajze jemi mësuar ta shohim shpesh në rrjete sociale apo në jetë të përditshme. Shumë njerëz i gjykojnë duke menduar se nuk kujdesen për fytyrën, por në fakt aknet e tyre ndodhin prej disa ndryshimeve hormonale dhe është e vështirë të largohen.
Kuli Kushner u kthye në sensacion duke treguar nëpërmjet disa fotografive në Instagram se si ka arritur ti largojë. Për një kohë shumë të shkurtër ajo fitoi mbi 20 mijë ndjekës që e përgëzonin për guximin që ka për të shfaqur fytyrën e vërtetë, pa e edituar.
22-vjeçarja përdori një produkt të quajtur Accutane, i cili e ndihmoi që aknet të largoheshin përgjithmonë nga fytyra e saj.
“Kisha disa akne të vogla që në gjimnaz, por në 2014 mu mbush gjithë fytyra. Unë provova gjithcka, pastrimin me vaj, kremra, ilace dhe antibiotikë nga dermatologia, por nuk kishte rezultate,” – tha ajo për Marie Claire.
Pas kësaj, Kuli foli me dermatologen që të fillonte trajtimin me Accutane dhe pas kësaj fytyra e saj filloi të pastrohej shumë shpejt. Ajo tregoi se efekti i vetëm anësor ishte se ndihej krejtësisht e tharë në fytyrë. Ky lloj produkti nuk ekziston më në treg, por gjendet me emrin isotretinoin por duhet të merret vetëm nëse sugjerohet nga dermatologu./tesheshi.com/
