Muaj më parë, Maya Merhi, 8 vjeç nga Siria, e lindur pa këmbë, po lëvizte rreth në një kamp refugjatësh me gjymtyrë të bëra nga tuba plastikë dhe kanaçe prej llamarine.
Por pas fotografive të gjendjes së saj, duke përfshirë ato të marra nga AFP në Siri, të para në të gjithë botën, ajo u soll në Stamboll për t’u trajtuar. Dhe jeta e saj tashmë mund të ndryshojë.
“Maya do të ecë,” tha Dr. Mehmet Zeki Çulcu, specialist protezash që e trajtoi atë në një klinikë të Stambollit. “Me lejen e Zotit, në tre muaj kohë”.
Maya nga rajoni Aleppo, para se të zhvendosej në Stamboll për ndërhyrje, jetonte me babain e saj në një kamp refugjatësh në Idlib, në veri të Sirisë.
Babai i saj, Mohammad Merhi, 34 vjeç, rrëfeu se si kishte arritur t’ja adoptonte këmbët e munguara me mjete rrethanore.
“Me qëllim që ajo të mund të dilte së paku nga tenda, sajova dy tuba si gjymtyrë të saj, të mbushura me një material për të zvogëluar presionin. Pastaj iu sajova dy kanaçe bosh më poshtë, pasi plastika nuk ishte aq e fortë sa t’i rezistonte fërkimit me tokën”, tha ai.
E tashmë që asaj po pajiset me proteza profesionale, ai thotë: “Është e rëndësishme që ajo të ecë në atë mënyrë sa të ndihet e pavarur. Do të ishte si një jetë e re për ne”, tha ai.
“Unë ëndërroj të shoh atë të ecë duke shkuar në shkollë dhe duke u kthyer pa vuajtje që andej”, shtoi ai. /tesheshi.com/
