Vajza që nuk pëlqen Islamin dhe isoja plot stonaturë e një gazetari

Gazetari i Euronews Albania, Flori Gjini, ka injoruar çdo kontekst të sentimentit fetar në shoqërinë shqiptare, dalluar për bashkëjetesë shembullore, duke lejuar që një personazh i zgjedhur prej tij për t’u intervistuar, një vajzë e kaluar nga ateizmi në besim, të flasë kundër Islamit e të përlëvdërojë Krishterimin.

Në terma profesionalë, ai ka bërë tjetër shkelje të rëndë, si në rastin me Elsa Lilën, e cila iu largua nga studioja në shenjë revolte, ndodhur ky incident pak javë më parë.

Personazhi i intervistuar, një vajzë nga Vlora, nuk gëzon asnjë status të veçantë social e publik për t’ju marrë e më pas përcjellë publikut shijet e saj fetare. Që një person, pavarësisht moshës apo profilit shoqëror, të kalojë nga ateizmi në besim, kjo nuk është diçka e jashtëzakonshme për t’u bërë mediatike. Gjithsesi, nëse vajza në fjalë do ishte person me impakt shoqëror, ia vlente percjellja e përvojës së saj. Dhe kur vjen fjala te Islami, ajo nuk posedon njohjen miminale mbi këtë besim. Nga ajo çfarë thotë mbi Islamin, mishëron thënien e njohur sipas së cilës “injoranca nuk është argument”. Dhe gazetari Gjini ose duhej ta kishte shmangur këtë pjesë, në respekt për komunitetin më të madh të besimtarëve në Shqipëri, madje plot edhe me të konvertuar, ose duhej të ishte treguar një gazetar finok, më e pakta duke e pyetur se çfarë ka lexuar për Islamin dhe çfarë përpjekje ka bërë për ta njohur atë deri në arritjen e një konkluzioni. Se fjala vjen, vajza flet dhe për Kuranin, pa e lexuar fare atë. Dhe kështu, si ajo e si ai, naiviteti i saj dhe profanizmi i gazetarit, shndërrohen në një duet aspak simpatik, deri të padëgjueshëm, në dialogun e tyre aspak dashamirës, për të mos thënë dashakeq. /tesheshi.com/