Pagesa e qirasë ishte bërë tashmë e pamundur për të. Raporti me pronarin e shtëpisë ishte shimë i keq. Për të evituar kthimin në shtypin e prindërve dhe për të vazhduar që të ishte e pavarur, një vajzë gjermane ka marrë nj vendim drastik: të jetojë në një tren.
Më saktë, ka vendosur të jetojë në trena, duke qenë se me pak më shumë se 300 dollarë, në Gjermani mund të kesh një abone mujore dhe të udhëtosh në mënyrë të palimituar në të gjithë shtetin. Prej majit të këtij viti, 23 vjeçarja Leonie Müller jeton në tren.
“Gjithçka nisi pas një përplasje që kisha me të zotin e shtëpisë. Vendosa menjëherë se nuk do të jetoja më aty dhe më pas kuptova se në të vërtetë nuk doja të rrija në asnjë shtëpi tjetër”,- tregon vajza e re në blogun taravel.com dhe në rrjetet sociale.
Studentja në universitetin Colonia vendosi të rrëmbejë një çantë, të marrë lap topin, librat, e të hipë në tren. Ajo zhvendoset në mënyrë të vazhdueshme nga një qytet në tjetrin, ndërsa për tu larë përdor tualetet e vagonëve.
Ka më pak komoditet, por kjo situatë nuk e tremb aspak Leonien: “Ndihem me të vërtetë si në shtëpi kur jam në trena dhe mund të vizitoj shumë miq në qytete të ndryshme. Është si të jem me pushime gjatë gjithë kohës. Dua të frymëzoj njerëzit që të vënë shpesh në diskutim zakonet e tyre dhe ato që ju duken si normale. Ka gjithmonë më shumë se një mundësi për të bërë një gjë të caktuar”./tesheshi.com/
