Ndërsa kryedemokrati Basha denoncoi rastin e dy vajzave të mitura në Vorë të cilat ushqeheshin me turshi e qepë, sipas tij për shkak të ndëprerjes së ndihmës ekonomike nga ana e kryeministrit Rama, ky i fundit ofron pamjet e dy rasteve të padrejtësisë në ndarjen e ndihmës.
“Lart, vila 3 katëshe e I.U në Has që deri dje merrte çdo muaj ndihmë ekonomike dhe poshtë shtëpia e R.B po në Has që nuk përfitonte ndihmë ekonomike. Me skemën e re, I.U është përjashtuar dhe R.B është përfshirë në skemë.
Fotot tregojnë qartë se cila nga kto dy familje është më në nevojë.
Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare”, shkruan shefi i qeverisë.
Sipas tij, tashmë po bëhet një ndarje e re, dhe sigurisht më e drejtë e ndihmës ekonomike. Por për opozitën, familje në kufijtë e skamjes tashmë iu është hequr dhje kafshata e fundit. /tesheshi.com/
