Pizhame me kukulla, gushore, flokë të kuq me kaçurrela të pakrehura mirë: ky është i vogli që ecën këmba-doraz, shikon përreth me kuriozitet dhe më pas ulet.
Nuk është në çerdhe apo në ndonjë kopsht, as në dhomën e tij të vogël, por në autostradën Stamboll- Edirne, përpara një rreshti me policë. Fëmija i arratisur nga Siria është rreth një vjeç ose edhe më i vogël. Edhe ai, si shumë të tjerë, pret të kalojë kufirin nga Turqia në Greqi, ndërkohë që ushtarët qëndrojnë pas tij. Ka njerëz që i vëzhgojnë këto situata dhe nuk mund të bëjnë tjetër veçse të buzëqeshin
Kjo fotografi ka bërë xhiron e rrjetit si dhe të medieve të tjera, si vizive, sociale apo edhe të shkruara. Është shpërndarë nga sajti BBC dhe është bërë viral në Twitter. Të gjithë kanë ngelur pa fjalë nga kjo pamje e pazakontë.
Sipas vëthëve të vegjël që ajo mban në vesh duket se është një vajzë. Ka veshur çorape, pasi siç duket, këpucët nuk i duhen ende. Është shumë e vogël për të ecur. Shumë më e vogël se i pafati Aylan, i cili u mbyt në detin e Bodrumit. Historia e të dy të vegjëlve është e njëjtë. Madje edhe pozicioni në të cilin ata ndodhen nuk është shumë i ndryshëm, por e vogla siriane arrin të marrë frymë dhe shpreson të ecë përpara, në ndryshim nga i pafati Aylan./tesheshi.com/
