Sot do t’ju njohim me historinë e një vajze të bukur angleze. Ajo quhet Ella Rubino Ginn, është 19 vjeçe dhe jeton në Hastings të Mbretërisë së Bashkuar. Kjo vajzë ka një veçanti: pi dy shishe me uthull në javë. Lajmi është raportuar në sajtin Metro.co.uk.
Ella punon si make up artist dhe ka varësi nga uthulla që kur ka qenë e vogël. Ajo pi rreth 87 litra uthull në vit dhe preferon më së shumti atë të mollës. “Dal shpesh xhiro dhe mbaj gjithmonë me vete në çantë një shishe të vogël me uthull. Në këtë mënyrë, kur më teket mund të pi kudo ku jam”, – rrëfen vajza.
Mirëpo, kjo është një varësi që ka shqetësuar mjaft familjen e saj: “Më thonë vazhdimisht se aciditeti i produktit mund të shkatërrojë muret e stomakut tim”.
Por, si nisi gjithçka? Kujtimi i saj i parë i lidhur me konsumin e uthullës vjen vite më parë. “Isha bashkë me gjyshen time, mora një enë me uthull dhe nisa ta pija. Që atëherë nuk kam ndaluar më. Edhe sot, sa herë që ndodhen në lokale apo në restorante, vijoj ta kem me vete një shishe të vogël uthulle. Ka disa kohë që kam nisur të përdor uthullën e mollës pasi ka edhe veti dobësuese. Vitin e shkuar kam humbur 19 kilogramë”,- rrëfen ajo.
Ana negative është se pavarësisht rekomandimeve dhe këshillave të familjarëve dhe të mjekëve, vajza nuk ka asnjë plan të ndalojë së konsumuari uthullën. “Thonë se bën dëm dhe se tashmë vij gjithmonë era uthull, por nuk më intereson. Shija më pëlqen shumë dhe nuk kam në plan të ndaloj”, – përfundon Ella. /tesheshi.com/
