Vajza 26-vjeçare e Bill Gates: pasionet e saj dhe ku investon ajo?

Jennifer Gates është vajza e madhe e biznesmenit të famshëm Bill Gates dhe ish-bashkëshortes së tij, Melinda. 26-vjeçarja ka edhe dy vëllezër të tjerë më të vegjël, Rory dhe Phoebe.

Në një intervistë të mëparshme, Jennifer ka treguar për babain e saj miliarder se ishte mjaft i kujdesshëm me rritjen e fëmijëve të tij.

Edhe pse themeluesi i Microsoft-it, fëmijët e tij kanë patur një afat të caktuar kohor për përdorimin e pajisjeve elektronike gjatë ditës. Po ashtu, ata nuk lejoheshin të kishin celularin e tyre deri në moshën 14-vjeçare.

Jennifer dhe vëllezërit e motrat e saj ndoqën të njëjtën shkollë me babain e tyre miliarder – Lakeside, Seattle. Në në vitin 2018, ajo u diplomua në Universitetin e Stanfordit me një diplomë në biologji njerëzore. Më pas ajo vendosi të studionte në Shkollën e Mjekësisë Icahn në New York.

Pasioni i saj për kuajt

Jennifer e ka dashur kalërimin që kur ishte e re dhe investon në të. Ajo i hipi një kali për herë të parë kur ishte vetëm 6 vjeçe. Për të mbështetur pasionin e saj, babai i saj filloi të blinte pasuri të paluajtshme në Ëellington, Florida, një nga zonat më të njohura të frekuentuara nga kalorës të pasur. Madje vihet re se pasuria e Gates nga blerja në fjalë është ulur me 37 milionë dollarë.

Një nga kuajt e saj të preferuar është Alex. “Ai është shumë i ëmbël, i qetë, por gjithashtu mund të vrapojë shumë shpejt, kështu që jam shumë e emocionuar për të”, tha Jennifer. Me kalimin e viteve, 26-vjeçarja ka konkurruar kundër Eve Jobs – vajzës së Steve Jobs – si dhe të famshëm të tjerë.

Pasuri e patreguar

Në vitin 2011, Bill Gates deklaroi se fëmijët e tij do të duhet të gjejnë mënyrën për të mbajtur veten dhe për këtë arsye secili prej tyre do të marrë vetëm një pjesë “të vogël” të pasurisë së tij të patreguar.

“Kam lindur në një familje që më ka dhënë privilegje të mëdha”, tha e reja. “Mendoj se në fund të fundit është të shfrytëzoj sa më shumë këtë mundësi dhe të gjej gjërat për të cilat jam e apasionuar në mënyrë që ta bëjmë këtë botë pak më të mirë”, tha Jennifer, sipas BusinessInsider.

Në janar 2020, Jennifer njoftoi fejesën e saj me kalorësin e famshëm egjiptian, Nayel Nassar. “Mezi pres të kalojmë pjesën tjetër të jetës duke mësuar, duke qeshur dhe duke u rritur së bashku”, shkroi ajo në postimin e saj në Instagram në atë kohë. Të dy ishin shokë klase në Universitetin Stanford. Dyshja – të dy kalorës të Paris Panthers, një ekip i themeluar nga Gates në 2019 – konkurruan dhe përfunduan në vendin e nëntë në kampionatin botëror të kuajve.

Nëntorin e kaluar, Gates dhe Nassaar njoftuan se do të bëheshin prindër. Pak ditë më parë, 26-vjeçarja Jennifer, me një postim në Instagram, zbuloi se solli në jetë fëmijën e tyre të parë, duke e bërë për herë të parë gjysh Bill Gates. /tesheshi.com/