Mali i Dajtit në Tiranë ishte gdhirë i zbardhur nga dëbora mëngjesin e së dielës. Kaq ka mjaftuar që banorët e kryeqytetit të ideojnë për të kaluar një fundjavë ndryshe; dhe pa u menduar dy herë bashkë me familjet e tyre janë udhëtuar drejt bardhësisë së borës që në orët e para të mëngjesit.
Deri këtu gjithçka duket bukur, por ankthi fillon në momentin që ti del nga shtëpia dhe afrohesh pranë zonës së Kinostudios, e cila është lagjja pranë zonës së Dajtit. Të gjitha rrugët që të dërgonin në malin e Dajtit sot ishin të mbingarkuara. Një numër i madh makinash ishin bllokuar në trafik duke shkaktuar një kaos të madh dhe një stres për punonjësit e policisë rrugore.
Rrugët ishin të tejmbushura me makina, si në aksin që të çon në malin e Dajtit me makinë por edhe tek pjesa e teleferikut.
Vajtja për të kaluar një ditë ndryshe në bardhësinë e borës në Dajtit sot ishte një mision i pamundur. Dhjetëra makina u kthyen në gjysmë të rrugës pa pasur mundësinë as t’i afroheshin shpatit të malit.
Teleferiku nuk arrinte dot të përballonte trafikun e makinave, por edhe të njerëzve, duke shkaktuar një zemërim tek qytetarët. Zhgënjimi më i madh ishte tek fëmijët, pjesa më e madhe e të cilëve nuk kanë parë borë reale asnjëherë. /tesheshi.com/
