Ministria e Punëve të Jashtme të Uzbekistanit njoftoi se raketat e lëshuara nga Afganistani goditën territorin e tyre, por nuk shpërthyen dhe nuk shkaktuan viktima.
Ministria e Punëve të Jashtme të Uzbekistanit njoftoi të mërkurën se raketat e lëshuara nga Afganistani goditën territorin e saj, por nuk shpërthyen dhe nuk shkaktuan viktima.
“Rreth orës 16:20 është vënë re rënia e pesë raketave, me gjasë të lëshuara nga territori i Afganistanit, në afërsi të kufirit. Kur ranë raketat, nuk pati asnjë shpërthim, viktima njerëzore apo shkatërrime. Në katër shtëpi private janë shkaktuar dëme të vogla”, thuhet në njoftim.
Autoritetet shtuan “se po zbatojnë masat e nevojshme për të përcaktuar shkakun e incidentit, në bashkëpunim me palën afgane”.
Në prill, dega afgane e grupit të armatosur të ISIL pretendoi se kishte kryer një sulm me raketa në Uzbekistan, të cilin autoritetet uzbeke e mohuan.
Uzbekistani, vendi më i populluar në Azinë Qendrore, me rreth 35 milionë banorë, ndan më shumë se 140 kilometra kufi tokësor me Afganistanin. /tesheshi.com/
