Presidenti i Uzbekistanit është në gjendje kritike pas një goditjeje. Një njoftim i qeverisë bën të ditur se gjendja e presidentit Islam Karimov është përkeqësuar gjatë 24 orëve të fundit.
“Mjekët e vlerësojnë si kritike (gjendjen e tij),” thuhet në njoftim.
Karimov gjendet në spital prej së shtunës, dhe, sipas vajzës së tij, ai kishte pësuar një hemorragji celebrale.
Ka patur madje lajme që pretendonin se ai tashmë kishte ndërruar jetë, por që nuk janë konfirmuar më pas.
Uzbekistani kremtoi dje Ditën e Pavarësisë, ndërkohë që presidenti nuk ishte i pranishëm në festimet.
Islam Karimov është presidenti i parë dhe i vetëm i Uzbekistanit që prej pavarësisë në vitin 1991. Por ai e ka udhëhequr vendin e tij që më herët.
Sëmundja e tij e rëndë e bën të afërt një ndërrim pushteti, që do të ishte hera e parë në këto 25 vite në Uzbekistan. /tesheshi.com/
