Për shkak të reshjeve të mëdha të shiut, një pjesë e një dige në Uzbekistan u shemb duke shkaktuar një përmbytje të madhe dhe evakuim emergjent të të paktën 70,000 njerëzve.
Zëdhënësi i Ministrisë së Situatave të Urgjencës, Murad Sadikov tha se uji i fryrë kishte shpërthyer nëpër muret e Digës së Sardobës në provincën Sirdery.
Ai tha që qindra shtëpi të banimit dhe pronat e mëdha të fermave mbetën nën ujë.
“56 njerëz u plagosën dhe të paktën 70,000 vendas u evakuuan nga vendbanimet përreth digës,” tha Sadikov.
Presidenti uzbekas Shavkat Mirziyev vizitoi zonat e përmbytura dhe premtoi ndihmë për vendasit e plagosur.
“Ne do të përdorim të gjitha burimet dhe mundësitë për të rregulluar dëmin. Të gjithë zyrtarët shtetërorë, përfshirë edhe mua, nuk do të largohen nga kjo zonë derisa të përmirësohet situata,” tha Mirziyev.
Diga e dëmtuar e Sardobës është ndërtuar tre vjet më parë, dhe përveç prodhimit të energjisë elektrike, përdoret gjithashtu për të ujitur fushat bujqësore në rajon. /tesheshi.com/
