Uturimë entuziaste avioni në Kukës: zbarkon WizzAir

Është rigjallëruar areoporti i Kukësit, pas muajsh rënie në qetësi deri në nivel raportimesh se po rezulton një vepër e dështuar.

Një avion i WizzAir zbriti në pistën e atyshme, së bashku me presidentin e kësaj kompanie, sigurisht dhe kryeministrin Rama, për të shpallur lidhjen e një kontrate, e cila starton që nga maji me tre destinacione: Gjermani, Austri dhe Zvicër.

“Në aeroportin e Kukësit, ku pas testimeve të suksesshme kompania WizzAir ul avionët e saj me 4 destinacionet e para drejt 3 vendeve Austrisë, Gjermanisë dhe Zvicrës, fillimisht nga dy herë në javë”, shkroi fillimisht Rama.

Më pas, kreu WizzAir, József Váradi, tha se “ky është një moment i veçantë”.

“Së pari ky është fluturimi parë i WizzAir-it në aeroportin e Kukësit. Së dyti, ne do të bëjmë disa njoftime të rëndësishme sot për të lidhur aeroportin e Kukësit me pika të tjera të WizzAir-it.

Kemi hyrë në tregun shqiptar 18 muajit e fundit, aktualisht kemi 6 avionë të bazuar në Tiranë.

Po të doni të udhëtoni nga Shqipëria në Europë tre vjet më parë do të duhej të paguanit 300-400 dollarë, tani mund ta bëni vetëm me 20 euro dhe të udhëtoni për në Europë. 

Uroj që ky të jetë vetëm fillimi. Të përfshimë edhe Kosovën e Maqedoninë e Veriut…”, u shpreh ai.

Rama theksoi nga ana e tij se “nga maji do jenë destinacione të vijueshme, jo vetëm për sezonin”.

“Me drejtorin e kompanisë kemi diskutuar edhe për destinacionit tjetër të rëndësishëm, që është Anglia. Nuk i ndahem Kukësit dhe ditës kur kur ‘the London boys’ të kenë fluturime nga Kukësi në Londër, me tarifa simbolike.

Udhëtimet me katër destinacione drejt Gjermanisë, Austrisë dhe Zvicrës kanë kosto 19 euro.

Me lëvizjen tjetër të radhës, për heqjen e taksës së kufirit nga aeroportet do ketë një tjetër ulje të çmimeve të qytetarëve. Do hapen vendet e punës që të rinjtë të punësohen në këto kompani”, theksoi i pari i qeverisë. /tesheshi.com/