Policia e Kosovës, përmes një kumtese për mediat njofton e mbrëmjen e djeshme janë mbyllur 6 lokale në Prishtinë, të cilat janë konstatuar se kryenin veprimtari të jashtëligjshme.
Policia bën me dije se në bashkëpunim me inspektorët komunalë në Prishtinë, në funksion të parandalimit dhe luftimit të dukurive negative në vend, e në veçanti luftimit veprave penale dhe të trafikimit me njerëz, ka bërë kontrollimin e disa lokaleve në disa lokacione në Prishtinë.
Operacioni policor është zhvilluar në orët e vona në 6 lokacione të Prishtinës, në lagjet “Ulpiana” dhe “Dardani”, ku dyshohej se po ushtrohen veprimtari të kundërligjshme.
Ky operacion policor është realizuar së bashku edhe me inspektorët komunalë, të cilët kanë vërejtur parregullsi në aspektin e dokumentacionit si dhe të anës sanitare. Si pasojë, të gjitha lokalet e gjetura me parregullsi janë mbyllur. /tesheshi.com/
