Policia e Sarandës arrestoi një shtetas 44 vjeç me akuzën e kundërshtimit të punonjësit të policisë. Ngjarja ka ndodhur në zonën e plazhit në Ksamil ku shtetasi Ismail.S banues në Vlorë ka ushtruar dhunë fizike ndaj një punonjësi policie, i cili ishte në krye të detyrës.
“Policia arrestoi 44 vjeçarin pasi dje në një ambient privat në Ksamil, ka kundërshtuar dhe ka ushtruar dhunë fizike ndaj punonjësit të policisë, i cili kishte shkuar për të zgjidhur një konflikt lidhur me një plazh publik midis shtetasit D.Z. dhe I.S.(kunati i shtetasit D.Z.) me shtetasin F.P..
Materialet u referuan në Prokurori ndaj tij për veprën penale ”Kundërshtim i punonjësit të policisë së rendit publik”, parashikuar nga neni 236/2 i Kodit Penal”, shprehen burime policore. /tesheshi.com/
