Ushtria turke ka arritur që të shpëtojë një grua të paralizuar në prapavijave të forcave të saj në Afrin të Sirusë.
Siç bën të ditur Daily Sabah, operacioni i shpëtimit është kryer në qytetin e Hammam-it, në verilindje të rajonit të Afrinit.
“Ushtria e Lirë Siriane”, së bashku me forcat e armatosura turke kanë arritur të çlirojnë qytetin e Hammam-it, i cili ka qenë një pikë strategjike e grupit të armatosur kurd YPG, që është krahu i armatosur i organizatës terroriste kurde PKK.
Ky qytet përdorej si bazë për të sulmuar qytetin Rehanli, që ndodhet në jug të Turqisë, përkatësisht në provincën Hatay.
Ushtarët turq, gjatë operacionit në zonë gjetën një grua të sëmurë rëndë dhe të pamundur për të lëvizur.
Gruaja ka marrë ndihmën e shpejtë nga Skuadra Kombëtare Turke Mjekësore(UMKE), sapo ka kaluar kufirin me autoambulancë të blinduara të Ministrisë turke të Shëndetësisë.
Pas kontrollit paraprak, e sëmuara është dërguar në spitalin e Hatay.
Guvernatori Adnan Karaosmanoglu, i cili vizitoi së bashku me ekipin mjekësor fshatrat e çliruara nga ushtria, tha se “ushtarët tanë e gjetën gruan pranë vdekjes, ndërkohë që trupat e YPG-së ishin në pjesën tjetër të zonës.
Turqia po kujdeset për gruan e paralizuar dhe po i jep asaj trajtimin e duhur”.
Më 20 janar Tuqia nisi operacionin “Dega e Ullirit” për të pastruar zonën e Afrinit nga trupat e YPG-së dhe DAESH-it(ISIS).
Sipas Shtabit të Përgjithshëm të Ushtrisë Turke, operacioni do të kontribuojë në rritjen e stabilitetit dhe sigurisë në vijën kufitare të Turqisë. /tesheshi.com/
