Ndërsa presidenti Thaçi, nga Kosharja i është kundërpërgjigjur kërcënimeve të zyrtarëve nga Beogradi për mundësinë e një lufte të re, duke thënë e Kosova do t’i përgjigjet si 19 vjet më parë, sot anëtari i Komisionit Shtetëror për Shënjimin dhe Mirëmbajtjen e Kufirit Shtetëror, Florim Isufi ka thënë se ka parë forca të ushtrisë serbe në fshatin Makoc të komunës së Prishtinës.
“Po sa kalova në rrugën nga fshati Prapashticë për në Prishtinë. Në udhëkryqin e rrugës Prishtinë-Prapashticë dhe Prishtinë Mramur në fshatin Makoc hasa në një autobusë të parkuar jashtë rrugës. Në një kioskë pran rrugës ishte i vendosur flamuri i shtetit të Serbisë”, ka shkruar Isufi në Facebook.
Po ashtu Isufi ka thënë se më shqetësuese ishte se policia e Serbisë ishte e veshur me unifromë dhe me pushkë automatike në duar.
“Ajo çka ishte shqetësuese dhe tepër e pa shpjegueshme ishte prezenca e policisë së shtetit të Serbisë me uniforma dhe me pushkë automatike në duar. Në dy anët e rrugës në një distance prej disa dhjetëra metrave ishte edhe policia e Kosovës. Shtrohet pyetja çka kërkonin policia e Serbisë e uniformuar me flamur dhe kallashnikov në fshatin Makoc. Kjo është pyetja e vetme pas luftës së vitit 1999 që unë nuk munda ti jep përgjigje. Tepër shqetësuese”, thotë Isufi.
Por policia e Kosovës ka mohuar të jetë e vërtet që janë prezentë ushtria serbe, por sipas në këtë pjesë është duke u xhiruar një film.
“Atje tash e një javë është duke u xhiruar një film i Kosovës dhe se ‘policët serbë” janë aktorët që marrin pjesë në xhirim dhe se për këtë kanë marrë leje përkatëse nga autoritetet”, ka thënë Daut Hoxha, zëdhënësi i policisë. /tesheshi.com/
