Një ushtarak i lartë i Sudanit konfirmoi se presidenti i përmbysur Omar al-Bashir është nën arrest shtëpiak në Khartum.
“Al-Bashir nuk e ka lënë Sudanin”, tha koloneli i përgjithshëm Mohamed Hamdan Daqlo për televizionin shtetëror në vend.
Të enjten, pas javësh protesta, ushtria sudaneze rrëzoi presidentin Omar al-Bashir, i cili sundoi Sudanin që nga 1989.
Ushtria gjithashtu krijoi një këshill ushtarak për të menaxhuar vendin në një periudhë dyvjeçare të tranzicionit. Në krye të këshillit fillimisht u emërua ministri i Mbrojtjes Ahmed Awad Ibn Auf, por i cili një ditë më vonë dha dorëheqjen e në vend të tij u emërua gjeneral-lejtnant Abdelfattah Burhan.
Daqlo tha se ushtria sudaneze, pas protestave masive, mori pushtetin në vend dhe rrëzoi presidentin Al-Bashir.
Kur u pyetën nëse al-Bashir do të ekstradohet në Gjykatën Penale Ndërkombëtare (IÇ) për ndjekjen penale për krimet e kryera në Darfur, Daqlo tha se vendimi do merret nga njerëzit e Sudanit.
“Sudani do të zgjedhë një qeveri të re që do të vendosë se si do të trajtohen të gjitha autorët, duke përfshirë dhe al-Bashir”, tha Daqlo. /tesheshi.com/
