Qeveria serbe ka dënuar vendimin e Kuvendit të Kosovës që çon në transformimin e Forcave të Sigurisë së Kosovës në ushtrinë e Kosovës.
Ministri i Jashtëm serb, Ivica Daçiç njoftoi se Serbia do të kërkojë një seancë urgjente të Këshillit të Sigurimit të Kombeve të Bashkuara gjatë ditës.
Pas seancës në Beograd, qeveria serbe tha se ky ka qenë “kërcënimi më i madh nga Prishtinën për paqen rajonale deri më tani”.
“Ky vendim i Prishtinës shkakton shqetësim të madh dhe paraqet shkelje të rëndë të parimeve të së drejtës ndërkombëtare, në radhë të parë të Rezolutës 1244 të Këshillit të Sigurimi”, u tha në një deklaratë.
Qeveria serbe pretendon se ky vendim i Kuvendit të Kosovës është në kundërshtim edhe me Kushtetutën e Kosovës. /tesheshi.com/
