Në mënyrë krej të paparalajmëruar, qeveria Haradinaj miratoi projektligjit për transformimin e Forcës së Sigurisë së Kosovës në Forca të Armatosura të Kosovës, thënë ndryshe në ushtri të Kosovës, një prej çështjeve më sensitive politike që ka mbetur pezull prej kohësh. Ky zhvillim erdhi ndërsa e gjithë klasa politike po jeton me debatin e nxehtë të Kufijve dhe Dialogut me Serbinë
Pikërisht këtë ka kërkuar dhe Uashingtoni; që Prishtina të mos merret me Ushtrinë, por të përqëndrohet te Dialogu.
“Shtetet e Bashkuara të Amerikës gjithmonë e kanë mbështetur të drejtën sovrane të Kosovës për ushtri dhe kanë punuar ngushtë me Kosovën rreth mënyrës për ta arritur këtë. Ne kemi këshilluar një qasje të matur që e mban Kosovën në përputhje me aleatët tanë në NATO për këtë hap të rëndësishëm. Nuk jemi këshilluar për çastin e këtij lajmërimi dhe do të na duhet t’i analizojmë projektligjin për ta kuptuar qëllimin dhe efektin e tij. Përpjekjet tona të disa javëve të shkuara janë përqendruar në ndërtimin e konsensusit të brendshëm për dialogun e rëndësishëm me Serbinë. Vazhdojmë të besojmë se normalizimi ndërmjet Kosovës dhe Serbisë është hapi më i rëndësishëm për përparim në të ardhmen e afërt”, thuhet në deklaratën ambasadës së SHBA-së në Prishtinë.
Siç mund të vihet re ndër të tjera, SHBA ndihet e shpërfillur dhe e injoruar nga ky vendim i beftë i qeveris së Kosovës. /tesheshi.com/
