Ushtria e Shteteve të Bashkuara ka lënë bazën ushtarake të Al-Qaim në Irakun perëndimor dhe pritet që së shpejti të tërhiqet nga dy baza të tjera në atë vend, njoftoi agjensia e lajmeve Anadolia.
Ushtria irakene raportohet se mori në një ceremoni në bazën ushtarake Al-Qaim, që ndodhet afër kufirit irako-sirian në provincën Anbar.
Bëhet fjalë për një bazë ushtarake në stacionin e vjetër të trenit që ishte shtëpia e forcave të koalicionit ndërkombëtar të udhëhequr nga Shtetet e Bashkuara në luftën kundër grupit të armatosur ISIL.
Agjensia turke e lajmeve deklaron se kjo zonë e Irakut ishte e para që ra nën okupimin e ISIL në 2014, dhe është ndër rajonet e fundit të çliruara nga fundi i 2017-ës.
Forcat amerikane dhe të koalicionit pritet të tërhiqen nga bazat në Mosul dhe Kerkuk në ditët e ardhshme.
Tërheqja nga tre në tetë bazat amerikane ul ndjeshëm praninë ushtarake në Irak. Kjo po ndodh mes tensioneve në marrëdhëniet e SHBA me Irakun dhe Iranin. /tesheshi.com/
