Ushtarët amerikanë filluan tërheqjen nga Iraku pas disfatës së grupit së ISIS-it.
Trupat, pajisjet dhe armatimi amerikan po largohen nga Iraku përmes fluturimeve që filluan një javë më parë, raporton agjencia AP.
Dy zyrtarë irakianë i thanë AP se koalicioni i udhëhequr nga Shtetet e Bashkuara arriti një marrëveshje për të zvogëluar numrin e stafit në terren, për herë të parë që kur lufta kundër ISIS-it filloi tre vjet më parë.
Gazetari i agjencisë konfirmoi pretendimet e burimit, por tani për tani, përmasat e tërheqjes nuk janë të njohura.
Dy muaj më parë, presidenti rus Vladimir Putin tha se është arritur një fitore e plotë kundër ISIS-it në të dy anët e lumit Eufrat në Siri.
Ai pastaj tha se operacioni ushtarak në atë zonë kishte përfunduar dhe se fokusi tani mund të zhvendoset në procesin politik, i cili përfundimisht do të përfshinte zgjedhjet presidenciale dhe parlamentare.
Në fillim të dhjetorit të vitit të kaluar, një koalicion ndërkombëtar i udhëhequr nga SHBA kundër ISIS-it vlerësoi se më pak se 3,000 anëtarë të këtij grupi kanë mbetur në Irak dhe Siri.
Gjatë vitit 2017, u kryen më shumë ofensiva në Siri dhe Irak dhe ISIS humbi qytete të tilla si Mosulin, Raka-n dhe zona të tjera që ishin bastionit i saj. /tesheshi.com/
