Siç shihet në një video të fundit nga fronti ukrainas, një ushtar vendas lufton me guxim deri në fund, duke mbrojtur llogoren ku ndodhet nga sulmet e forcave speciale ruse që ndodheshin vetëm pak metra larg tij. Ky ushtar arriti të hidhte dy herë një bombë ruse nga llogorja ku gjendej.
Siç është raportuar tashmë, rusët po përparojnë drejt qendrës së Severodonetskut në Donbas, pas një tërheqjeje taktike të forcave ukrainase.
Serhiy Khaidai, guvernatori i Luhanskut, publikoi informacione të reja në rrjetet sociale për situatën në Severodonetsk dhe Lisichansk, qytetet lindore që forcat ruse po përpiqen dëshpërimisht të pushtojnë. Ai deklaron se forcat ruse po përparojnë drejt qendrës së qytetit dhe e cilësoi situatën si “jashtëzakonisht të vështirë”.
“Forcat ruse po vendosin pozicionet e tyre në periferi të Severodonetskut. Nuk i marrin trupat e ushtarëve të tyre të vrarë, era e kufomave përhapet nëpër rrugë. Pesë qytetarë kanë humbur jetën dhe pesë janë plagosur. Ata po përpiqen të rrethojnë qytetin dhe të vazhdojnë të përparojnë në drejtim të ‘rrugës së jetës’ dhe ta presin atë”, ka shkruar Hajdaj, duke iu referuar rrugës së vetme që lidh Severodonetskut me pjesën tjetër të territorit të kontrolluar nga Kievi.
“Gjatë 24 orëve të fundit janë zmbrapsur 14 sulme të armikut, janë shkatërruam dy sisteme artilerie dhe 10 automjete armike. Mbrojtja jonë ajrore rrëzoi dy raketa”, shkroi ai, duke shtuar se nga ana tjetër, “forcat ruse po shkatërrojnë rreth 50 shtëpi në ditë këtu”. /tesheshi.com/
