Kërpudhat janë cilësuar këtë vit si ushqimi protagonist i vjeshtës, bashkë me fiqtë që janë fruti protagonist. Kërpudhat me patate në furrë janë një pjatë shumë e shijshme, e cila realizohet me kërpudha të llojit pleurotus të spërkatura me djathë parmixhan. Është një pjatë shumë e thjeshtë dhe e shpejtë për tu përgatitur. Mund ta shoqëroni edhe me mish të pjekur në furrë me pak djathë por mund t’i konsumoni edhe ashtu siç janë. Kontrolloni herë pas here tavën gjatë pjekjes dhe nëse e shikoni të nevojshme, shtoni disa lugë ujë në mënyrë që patatet të mos jenë shumë të forta.
Procedimi
Qëroni pa
tatet dhe i prisni ato në feta me trashësi rreth 1 cm. I vendosni në një tas dhe më pas shtoni kërpudhat të lara mirë dhe të prera në copa të vogla. Spërkatini me majdanoz, kripë, piper dhe vaj ulliri.
Bëni kujdes me kripën pasi do t’ju duhet të shtoni edhe parmixhanon e grirë. Përzieni mirë të gjithë përbërësit në enë dhe më pas i kaloni në një tavë.
Lërini të gatuhen në furrë në temperaturë 180° për 45 minuta. Shërbejini menjëherë, pasi t’i nxirrni nga furra./tesheshi.com/
