Është e rëndësishme që të dimë se çfarë kanë ngrënë fëmijët në drekë, për të përcaktuar darkën e tyre. Ndodh që në darkë të përsëriten po të njëjtat ushqime apo që fëmija të marrë të njëjtat vlera ushqyese.
Ndërkohë, duhet që gjatë ditës fëmija të marrë vlera ushqyese të ekuilibruara që të plotësojë nevojat e organizmit për ushqime të ndryshme.
Kështu, nëse fëmija konsumon në drekë një gjellë, atëherë në darkë mund të hajë edhe diçka të thatë si oriz ose makarona.
Nëse në drekë ka ngrënë mish, në darkë duhet të hajë zarzavate dhe e kundërta.
Nëse në drekë ka ngrënë një ëmbëlsirë, në darkë nuk duhet t’ia ofrojmë përsëri.
Gjithashtu është e rëndësishme të përcaktohet menyja e fundjavës duke i propozuar
ushqime që nuk janë konsumuar gjatë ditëve të kopshtit në mënyrë që të plotësojë nevojën për të konsumuar një ushqim të caktuar të paktën një herë në javë.
Ndaj zgjidhja më e mirë për fundjavën mund të jetë peshku, sallata etj. /tesheshi.com/
