A keni probleme me gjumë kur bini për të fjetur? Ka mundësi që shkaktar të jetë ushqimi që merrni para fjetjes.
Ja disa prej ushqimeve të cilat nuk duhet t’i hani para gjumit:
1.Çokollata e zezë (apo çfarëdo që përmban kafeinë).
Çokollata e zezë përmban kafeinë dhe teorbrominë. Kafeina mund të shkaktojë vigjilencë dhe ndjenjë nervozizmi në sasi të mëdha. Ndërsa teobromina mund të shpejtojë ritmin e zemrës dhe po ashtu të shkaktojë shqetësim. Gjitha këto e bëjnë më të vështirë rënien në gjumë nëse merren edhe 6 orë para fjetjes.
2.Ushqimet e pasura në proteina
Konsumimi i ushqimeve të pasura me proteina stimulojnë oreksinën në trurin tuaj, një neuropeptid që ndihmon në kontrollin e urisë dhe gjumit. Një studim ka treguar se injektimi i oreksinit tek minjtë i ka bërë ata më aktivë, ndërkaq studime tjera kanë treguar se personat të cilët nuk kanë oreksin të mjaftueshëm mund të vuajnë nga narkolepsia (tendenca ekstreme për të fjetur).
3.Alkooli
Alkooli mund të reduktojë gjumin REM (rapid eye movement) – pra pjesa e gjumit kur shohim ëndrra. Alkooli shkakton edhe marramendje dhe përqendrim të dobët. Alkooli po ashtu është një agjent diuretik, andaj kur konsumoni alkool, ju duhet të vizitoni më shpesh tualetin gjatë natës.
- Ushqimet yndyrore dhe pikante
Ushqimet yndyrore dhe pikante mund të shkaktojnë urth të pakëndshëm. Kjo mund t’ju pengojë nga të shkuarit në gjumë apo t’ju zgjojë në mesin e natës. Andaj, mos hani mish në qoftë se keni ndërmend të shkoni për të fjetur së shpejti./tesheshi.com/
