Çmimet për ushqimet bazë në Shqipëri janë më të lira se mesatarja në vendet e Bashkimit Europian. Kjo rezulton nga një krahasim mbi çmimet e produkteve kryesore të shportës në vendet e BE, të cilat janë përpunuar nga Il Sole 24 Ore.
Nëse mbajmë 100 nivelin mesatar të çmimit të një produkti në Europë, bëhet krahasimi, që vjen i shprehur si ndryshim në përqindje, me vendet e tjera.
Kështu rezulton se në Shqipëri buka, qumështi, mishi, frutat dhe perimet, vajit, pijeve alkoolike dhe jo alkoolike, në krahasim me mesataren europiane janë më të lira. Buka kushton 36.6% më lirë në Shqipëri, 44.5% më lirë në Maqedoni dhe 47.2% në Rumani.
Për sa i përket mishit, Shqipëria renditet e dyta pas Polonisë për çmime më të ulëta krahasuar me mesataren europiane të çmimeve. Mishi kushton mesatarisht 46.4% më lirë në Shqipëri se në vendet e BE-së.
Ndërsa për vajin, çmimi në Shqipëri nuk ndryshon shumë nga mesatarja e Europës. Vaji në Shqipëri kushton vetëm 3.8% më lire, ndërsa në Maqedoni 34.2%.
Edhe bulmeti (qumësht, djathë dhe vezë) shqiptarëve iu kushton po aq sa europianëve, me një diferencë prej vetëm 0.1%.
Frutat dhe perimet janë më të lira se në BE, por 26% më të shtrenjta se vendi fqinj Maqedonia, shkruan Monitor.
Ku mund të blini më lirë
Mishin dhe qumështin në Poloni, bukën në Rumani, peshku dhe frutat në Maqedoni. Nëse do të mundeshim që të zgjidhnim dhe të zhvendoseshim sa herë të bënim Pazar, këtu ia vlen që të bësh blerjet. Megjithatë, po flasim për çmimet dhe jo për cilësinë. Mesazhi është që në këto vende mund të blesh produktet kryesore të shportës më lirë se mesatarja e Europës.
Nga të dhënat e Maqedonisë vaji kushton 34.2% më lirë se sa mesatarja e shteteve Europiane. Për sa i përket mishit, Polonia ka çmimet më të lira, rreth 46.6, buka në Rumani kushton rreth 47.2% më lirë se pjesa tjetër e kontinentit.
Çmimet në raport me standardin e jetesës
Nëse shikojmë grafikun, në vendet skandinave dhe në Zvicër mbizotëron ngjyra e kuqe, e cila tregon se çmimet janë shumë herë më lart se mesatarja e Bashkimit Europian.
Buka, mishi, bulmeti, frutat dhe perimet, pra ushqimet e shportës bazë kushtojnë më shumë se dy herë më shtrenjtë se sa mesatarja e Europës.
Ndërsa vendet e Lindjes, ish-Jugosllavia, përfshirë edhe Shqipërinë, janë me ngjyrë jeshile. Në këto vende, çmimet e ulëta janë nën nivelin e mesatares së kontinentit./tesheshi.com/
