Shkollat në Kroaci do t´i sigurojnë nëxënësve vakte falas me perime, fruta apo me bulmet, qumësht dhe kos. Qeveria ka marrë vendimin që nga ky vit të fillojë shpërndarja e vakteve falas në të gjitha shkollat, fillore dhe të mesme. i gjithë projekti kushton rretrh 3 milionë euro, të cilat tashmë janë siguruar.
Çdo shkollë e cila dëshiron të marrë pjesë në projekt vetë i kërkon furnizuesit të sigurojnë fruta dhe perime (100 – 150 gramë për një fëmijë në javë) dhe qumësht, jogurt dhe të tjera (0,15 -0,25 L. për një fëmijë në javë).
Vakte me fruta dhe perime falas do të marrin nxënësit e të gjitha shkollave fillore dhe të mesme, ndërsa qumësht dhe produkte të tij,vetëm ato të shkollave fillore, nga klasa e parë deri në klasën e katërt.
Ministria e Bujqësisë e Kroacisë thekson se shkollave do t’u dorëzohen, mandarina, mollë, dardha, kajsi, pjeshkë, qershi, domate, karota, qumësht i pasterizuar, jogurt, kos dhe llojet të tjera të qumështit të fermentuar.
Për projektin tani për tani janë paraqitur 1.119 shkolla dhe 87 furnizues. /tesheshi.com/
