Ndjesia e të ftohtit, dridhja e shpeshtë, dhimbja e muskujve, dhimbja e kokës, dhimbja e fytit dhe humbja e shijes ose erës janë gjashtë simptoma të reja të mundshme të koronavirusit, të cituara nga ekspertët në Qendrën Amerikane për Kontrollin dhe Parandalimin e Sëmundjeve (CDC).
Lista e simptomave deri më tani ka qenë ethe, kollë dhe gulçim, sipas USA Today.
Në rast të gulçimit, dhimbje të vazhdueshme, ndjenjë e presionit në gjoks, ënjtje të buzëve ose fytyrës, konfuzion ose paaftësi për t’u zgjuar, njerëzit me këto simptoma këshillohen të kërkojnë kujdes mjekësor menjëherë, thuhet nga gazeta.
Kohët e fundit, simptoma të tjera të tilla si dispepsi dhe njolla të kaltërta ose vjollcë në gishtërinj, janë lidhur me COVID-19, sipas USA Today.
Gazeta shtoi se disa mjekë madje thonë se virusi mund të shkaktojë një goditje të papritur te pacientët në të tridhjetat apo dyzetat e tyre për shkak të problemeve të koagulimit të gjakut.
Sipas të dhënave më të fundit të publikuara në faqen e internetit të Worldometers.info, pak më shumë se tre milion njerëz në të gjithë botën janë infektuar nga virusi koronar.
Nga këto, 935,000 janë shëruar, ndërsa 212.486 kanë ndërruar jetë. Ka 1,935 milion raste aktive, nga të cilat 1,879 (97 përqind) janë në ashpërsi të mesme, ndërsa pak më shumë se 56.200 janë në gjendje shumë të rëndë ose kritike (tre përqind). /tesheshi.com/
