Një prej turneve më të mëdhenj të botës në tenis, i katërti i Grand Slam-eve, po i afrohet epilogut, me gjysmëfinalet tashmë të përcaktuara.
Te meshkujt, ato do të luhen mbrëmjen e së premtes, në orën 21:00 e tutje.
Çiftet gjysmëfinaliste janë: Djokovic – Monfils dhe Wawrinka – Nishikori.
Çerekfinalja më e fortë dhe që ka kërkuar më shumë lojë ka qenë ajo mes Nishikori-t dhe britanikut Murray. Ky i fundit pagoi çmimin e gjaknxehtësisë së tij tradicionale, duke humbur 3-2, me setin final të fituar nga japonezi 7-5.
Djokovic kaloi në gjysmëfinale pasi kryesonte 2-0 ndaj francezit Tsonga, dhe ky u tërhoq nga loja.
Në dy çerekfinalet e tjera, Wawrinka fitoi 3-1 ndaj Del Potro-s, ndërkohë që në përballjen tërësisht franceze, Pouille u mposht 0-3 nga Monfils.
Në gjysmëfinalet e femrave, që do të zhvillohen në orët e para të së premtes, janë vënë përballë Serena Williams me Pliskova-n dhe Wozniacki me Kerber-in.
Në çerekfinale, Serena Williams mposhti 2-1 Halep-in, Pliskova fitoi thjesht, 2-0, ndaj kroates mjaft të re, por shumë premtuese, Konjuh, ashtu siç bëri Wosniacki ndaj Sevastova-s, duke fituar bindshëm 2-0. Me të njëjtin rezultat, 2-0, Kerber fitoi ndaj italianes Vinci, finalistes së vitit të shkuar. /tesheshi.com/
