Futbollistët uruguaianë nën 20 vjeç fituan titullin e kampionëve të botës për herë të parë në histori, pasi në finalen e luajtur në La Plata të Argjentinës mundën bashkëmoshatarët e tyre nga Italia me rezultat 1:0.
Të rinjtë uruguajanë ishin më të mirë gjatë gjithë ndeshjes finale, e cila u vendos në minutën e 86-të. Pas goditjes nga këndi, kishte një kaos para portës së italianëve dhe topi përfundimisht u kthye nga shtylla ku Luciano Rodriguez e futi me kokë në rrjetë.
Ishte një gol i denjë për një kampionat botëror.
Vendi i tretë për izraelitët
Vendin e tretë e fituan futbollistët e rinj të Izraelit të cilët mposhtën 3:1 bashkëmoshatarët e Koresë së Jugut.
Para këtij kampionati, uruguaianët kanë luajtur në finalet e kampionateve botërore në këtë kategori dhe kanë humbur në vitet 1997 dhe 2013. Italia U20 luajti në finale për herë të parë në histori.
Mbajtësit e rekordeve për numrin e titujve botërorë në këtë gjeneratë janë futbollistët argjentinas që kanë qenë gjashtë herë kampionë të botës. Brazili ka pesë tituj, kurse Portugalia dhe Serbia nga dy. /tesheshi.com/
