Përballja mes Uruguajit dhe Rusisë ka përfunduar me një fitore të pastër të amerikanojugorëve 3-0, duke bërë që skuadra e shtëpisë të mos duket këtej e tutje dhe aq e frikshme.
Skuadra ruse, e ardhur në këtë takim të fundit të grupit, kishte shënuar 8 gola, 5 në portën saudite e 3 në atë egjiptiane, por që përballë skuadrës së dyshes Cavani – Suarez ka ngecur. Këta të fundit shënuan nga një gol secili.
Tashmë, që të dyja skuadrat, të cilat e kishin siguruar kalimin e grupit, “kërcënohen” në përballje me Spanjën ose Portugalinë
Ndërsa në përballjen tjetër, atë për prestigj, Arabia e Saudite dhe Egjipti duket se janë ndarë me një kompromis: një gol Salah, ndërsa fitorja për Mbretërinë arabe. 2-1 që rezultati përfundimtar për Saudinë, i cili vështirë të ishte arritur në rrethana të tjera. /tesheshi.com/
