Kanë dhënë efektin e parë kritikat e Ramës karshi BE-së, njëherësh lutja e tij për ndihmë në përballimin e krizës energjitike, duke thënë se nuk duhet të ndodhë si me vaksinat.
Gjatë vizitës së saj në Tiranë, presidentja e Komisionit Europian, Ursula von der Leyen prezantoi paketën prej 80 milion eurosh që unioni ka caktuar për t’i akorduar Shqipërisë për të përballuar krizën energjetike.
Këto fonde do të vijnë në drejtim të Shqipërisë në formën e granteve.
Në një postim në rrjetet sociale, shefja e KE, shkruan se Shqipëria është një ndër vendet e prekura nga lufta energjetike e Rusisë dhe për këtë arsye BE i ka caktuar 80 milionë euro për të përballuar nevojat imediate.
Fatmirësisht, Shqipëria nuk ka fare varësi nga gazi rus por natyrisht që energjia elektrike që vjen në Shqipëri ndikohet nga çmimet stratosferike në Shqipëri.
Ne kemi vendosur që të jemi unitarë dhe solidarë. Pra, ne jemi pjesë e një unioni për energjinë dhe po propozojmë një paketë mbështetëse për energjinë për Ballkanin Perëndimor, për të ndikuar në zbutjen e çmimeve.
Do të jenë 80 mln euro në grante. Më pas do të ketë mbështetje për sistemin e energjisë. Këtu po flasim 500 mln euro në grante për të gjithë rajonin për të investuar në infrastrukturën energjetike”, tha ajo.
Po ku do shkojnë këto miliona?
Von der Leyen përmendi projekte si modernizimi i Vaut të Dejës, hidrocentralit të Fierzës dhe rinovimin e eficienës së energjisë së godinave të Qytet Studentit.
“Jeni në rrugën e duhur. Do jetë një takim tejet i rëndësishmë më 6 dhjetor dhe me shumë dëshirë po e pres këtë takim”, tha ajo, referuar samitit të radhës BE-Ballkan Perëndimor.
Rama nga ana e tij shprehu synimin për të mos rritur çmimin e energjisë: “Në kushte e një lufte që bombat dhe plagët ka në Ukrainë por pasojat e të cilës ndjehen në të gjithë Europën përfshirë edhe neve në Shqipëri në çmimet stratosferike të tregut të energjisë dhe në inflacion, e informova presidenten për qasjen tonë për vendosmërinë tonë që të vazhdojmë të mbështesim të gjitha familjet për të mos e prekur çmimin e energjisë elektrike”. /tesheshi.com/
