Presidentja e Komisionit Evropian Ursula von der Leyen tha dje se vrasjet e civilëve në Bucha tregojnë fytyrën mizore të ushtrisë së presidentit rus Vladimir Putin dhe u zotua të mbështesë Kievin në mbrojtjen e kufijve të Evropës.
Gjatë një vizite në Bucha, ku ekspertët mjeko-ligjorë filluan gërmimin e trupave nga një varr masiv, Von der Leyen u trondit dukshëm nga ajo që pa. Në Twitter është bërë i ditur momenti kur kreu grua i Komisionit Evropian ka mbërritur në varrezën masive në Bucha. Reagimi i saj i thotë të gjitha.
NEW – Ursula von Der Leyen, President of the European Commission, sees dead victims of Bucha in Ukraine.pic.twitter.com/RDgnQ5lm32
— Disclose.tv (@disclosetv) April 8, 2022
“Këtu ndodhi e paimagjinueshme. Ne pamë fytyrën mizore të ushtrisë së Putinit. Ne pamë pamëshirshmërinë dhe indiferencën me të cilën ata pushtuan qytetin,” tha Von der Leyen, duke shtuar:
“E gjithë bota mban zi me banorët e Bucha-s dhe janë ata që mbrojnë kufijtë e Evropës, mbrojnë njerëzimin, mbrojnë demokracinë dhe prandaj jemi me ta në këtë luftë të rëndësishme”, tha ajo.
Ajo mbërriti në Kiev për të shprehur mbështetjen morale për Zelensky-n dhe për të premtuar ndihmë financiare. Duke udhëtuar me tren nga Brukseli, ajo u tha gazetarëve se mesazhi më i rëndësishëm që ajo mbart është se Ukraina po përballet me një rrugë evropiane.
Ajo premtoi se do të ndihmojë Ukrainën të dalë nga lufta si një vend demokratik, në të cilin, theksoi ajo, do të ndihmojnë BE-ja dhe donatorët e tjerë. /tesheshi.com/
