Kreu demokrat Basha e ka komentuar një urim drejtuar fituesit të zgjedhjeve në Austri, Sebastion Kurz, si një kujtesë për atë që sipas tij duhej të ndodhte me Ramën kur cenohet vota.
“Mbrëmë i përcolla urimet më të përzemërta mikut tim Kancelarit Sebastian Kurz dhe simotrës tonë Partisë Popullore të Austrisë për fitoren e thellë të zgjedhjeve të parakohshme parlamentare në Austri.
Vendimi i liderit të ÖVP Sebastian Kurz ku ndonëse pa asnjë përgjegjësi personale apo politike, vendosi ti rikthejë mandatin qytetarëve pas akuzave ndaj partnerëve të tij në qeveri për “pazare” për vota, është shembull kurajo dhe moraliteti qytetar dhe politik.
Me votimin e djeshëm qytetarët austriakë dhanë një mbështetje të jashtzakonshme për këtë vendim të Sebastian Kurz dhe Partisë Popullore Austriake, të cilët janë aleatë të paçmueshëm të Shqipërisë dhe model për politikën shqiptare”, shkruan Basha.
Siç dihet, Kurz shkoi në zgjedhje të parakohshme pas një dorëheqjeje si kancelar, sapo plasi një skandal me partnerin e tij në koalicion.
Siç mund të lexohet mes rreshtash në mesazhin e Bashës, kështu duhej të kish vepruar edhe Rama. /tesheshi.com/
