Në një valë urimesh për Ditën e Gruas, secili nga figurat politike në Shqipëri ka dalluar nga tjetri.
Rama është krenuar me faktin se në qeverisjen e tij ka barazuar numrin mes dy gjinive në vendimmarrje.
“Mirëmëngjes me një urim të përzemërt të gjitha grave e vajzave shqiptare, që janë gjysma me e mirë e këtij populli” shkruan Rama dhe përcjell videon për këtë rast.
https://www.facebook.com/edirama.al/videos/137900350890141/?t=0
Basha nga ana e tij ka anuar nga Nëna më tepër se sa nga Gruaja, duke qëndruar brenda familjes në urim. “Mëngjesi sot nisi me një urim nga familja jonë për të gjitha vajzat dhe nënat shqiptare: GËZUAR 8 MARSIN!”, shkruan Basha, duke e ilustruar urimin me fotot përkatëse.
Ndërsa Meta nuk ka mundur dot të dalë nga ajo çfarë e karakterizon këto kohë, duke e parë dhe 8 Marsin brenda kauzës së tij të ashtuquajtur “Pranvera kuqezi”.
“Një falenderim të veçantë kam sot edhe për dhjetëra mijëra nëna, gra dhe të reja, të cilat ju bashkuan më 2 mars PRANVERËS KUQEZI, duke i dhënë me energjinë dhe vitalitetin e tyre më shumë forcë zërit të sovranit”, shkruan ndër të tjer Meta, në një mesazh më të gjatë se kaq. /tesheshi.com/
