Turqia po përgatitet për ardhjen e turistëve dhe prezantimin e masave speciale
Turqia po vendos masa dhe standarde të veçanta higjienike për t’u përgatitur për kthimin e turistëve, tha ministri turk i Kulturës dhe Turizmit, Mehmet Ersoy.
Hap pas hapi, kufizimet e udhëtimit brenda vendit do të hiqen gradualisht nga fundi i majit, tha ai.
Ai shtoi se dhe fluturimet ndërkombëtare do të futen gradualisht.
Qeveria ka zhvilluar një program certifikimi për hotele dhe restorante që do të duhet të plotësojnë kritere të rrepta, tha Esroy.
Ekzistojnë gjithsej 132 kritere, duke përfshirë respektimin e kushteve higjienike dhe distancën shoqërore.
Punonjësit gjithashtu do të duhet të aftësohen për të parandaluar përhapjen e infeksionit.
Vetë-shërbimi me ushqim dhe pije është shfuqizuar.
Qeveria ka publikuar gjithashtu një listë të spitaleve, me kapacitetet e tyre, që janë në dispozicion në destinacionet e njohura turistike.
Turizmi është një pjesë e rëndësishme e ekonomisë turke, dhe këtë vit, para pandemisë, autoritetet turke parashikuan ardhjen e 58 milion vizitorëve.
Esroy thotë se virusi korona është nën kontroll në Turqi dhe se 63 milion turistë mund të priten në 2021.
Turqia po heq gradualisht masat kufizuese të vendosura për të frenuar përhapjen e koronavirusit.
Fundjava e kaluar, shtetrrethimi ishte në fuqi në 24 qytete dhe provinca, që është një rënie krahasuar me 31 javën e kaluar.
Gjithashtu, personat mbi moshën 65 vjeç lejohen të qëndrojnë jashtë shtëpisë së tyre për disa orë, dhe qendrat tregtare dhe sallonet e flokëve hapen nga e hëna. /tesheshi.com/
