Vettingu, sa mund ta ketë pastruar sistemin e drejtësisë, po aq e ka futur në krizë atë, pasi tashmë mungojnë prokurorët e nevojshëm.
Kjo u pohua nga Kryeprokurori Olsian Çela, i cili duke raportuar në Këshillin e Lartë të Prokurorisë për punën e institucionit që drejton gjatë vitit 2021, u ndal te mungesa e stafit, kryesisht e prokurorëve dhe oficerëve.
Sipas tij, në sistemin e akuzës në gjithë vendin mungojnë 116 prokurorë.
“Viti i pandemisë krijoi probleme në sistemin e prokurorisë edhe vettingu ka krijuar shumë probleme me vakancat.
Kemi marrë masa për veprën penale për pastrimin e parave. Përgjatë vitit 2021, mungojnë 116 prokurorë në sistem.
Kemi kërkuar rritjen me një numër prej 250 OPGJ, por deri tani janë emëruar vetëm 25”, tha Çela ndër të tjera. /tesheshi.com/
