Pas dy ditësh pritet të ketë nënshkrim të një urdhri të ri ekzekutiv për refugjatët dhe imigracionin, pak javë pasi ai i mëhershmi shkaktoi rrëmujë e debate pa fund.
Presidenti Trump do ta nënshkruajë urdhrin e ri një ditë pasi të ketë mbajtur një fjalë para ligjvënësve amerikanë, në një sesion të përbashkët të Kongresit, sipas raportimit të Associated Press.
I menduar për t’u nënshkruar javën e shkuar, ka patur një shtyrje të urdhrit të ri, për të shmangur çdo të metë në të.
Urdhri i parë ekzekutiv, i cili ndaloi hyrjen në SHBA të refugjatëve sirianë dhe të qytetarëve të shtatë vendeve me shumicë muslimane, u bllokua nga një gjykatë federale.
Këshilltari i Shtëpisë së Bardhë, Stephen Miller, i deklaroi Fox News-it një javë më parë se urdhri i ri ekzekutiv do të kishte ndryshime të vogla teknike nga pararendësi. /tesheshi.com/
